Kiwa dang yoh thymme ya u COVID-19 ha Meghalaya hadooh i step ynne ka 1 tarik u Naisaphra da em ki 33 ngut wei da em leh 7 ngut kiwa dang chait.
Na kiwa dang yoh thymme, 26 ngut toh kiwa na East Khasi Hills kiwa kynthup ya 15 ngut ki bru paidbah, 8 ngut naki chnat chipai wa 3 ngut ki BSF.
Kiwi kiwa dang yoh toh ha West Garo Hills (1) BSF, Ri Bhoi 3 ngut kiwa kynthup ya 1 bru paidbah wa 2 ngut na kiwi ki chnat chipai, ha West Jaiñtia Hills (1), East Jaiñtia Hills (1) wa ha West Khasi Hills (1).
Na kiwa chait, waroh 7 ngut toh kiwa na East Khasi Hills kiwa 6 ngut ki BSF wa 1 bru paidbah.
Kiwa dang em ya uni u khñiang ha ki District man ki kamni ha wah:
East Khasi Hills-527 ngut heiwa ki BSF da em ki 250 ngut, ki bru paidbah 223 wa 54 ngut na kiwi ki chnat chipai.
West Khasi Hills-5
South West Khasi Hills-0
Ri Bhoi-46
West Jaiñtia Hills-15
East Jaiñtia Hills-16
West Garo Hills-16
South West Garo Hills-4
South Garo Hills-2
East Garo Hills-0
North Garo Hills-0
Waroh kiwa dang em ya uni u khñiang da em ki 631 ngut, kiwa chait 220 ngut wa 5 ngut kiwa yap iwa da poi waroh 856 ngut kiwa da dep yoh ya u COVID-19 hapoh ka jylla.
