Shillong: U CEO, National Institution for Transforming India haka 31st July, 2020 haka chithi u cha u Chief Secretary ka Meghalaya, da pyntip u wa ka NITI Aayog u e yarap poisa poisa chooh ko cha ki District hapoh ka Aspirational Districts Programme wei da jied yaka Ri Bhoi District kawa da leh bha haki bnai February – June, 2020 wow yoh ko sa T.4 Klur. U CEO da e khublei u yaka DC ka Ri Bhoi yeini wa da lehbha ka District.
Katkam ki kyndon, hap pynkhreh yaka Plan of Action lane ka Project Proposal dep te phah yaka cha ka NITI Aayog yow yoh yei mynjur.
Ka NITI Aayog da chna ko yaka Project Management Unit (PMU), kawa em kam ki dkhot ki bru chemphang ka ADB wa UNDP, yow yarap wow sdang yaki kaam (Project) hapoh ka District wei wow e ya kani ka Plan of Action cha ka PMU haka 30th September, 2020 yow yoh ya kani ka poisa.
