Dawa ki ar seiñ na ka JHADC wow yada ya ki dakha doh-um ha thaaiñ khappood

Khliehriat: Ki artylli ki seiñ yong ka East Jaiñtia Hills kiwa kynthup yaka Southern Border Youth Welfare Association (SBYWA) wa ka Khasi Student Union (KSU), Hingaria Unit ryngkat ka chnong Hingaria da lai e dorkhat ki cha ka JHADC wow pyrchah wow lilam ya ka wah Prang wa ka Wah Tisang-Kwator-Borkhat (Wah Myntdu) ki bynta wa chawah ka Myntdu chwa wow tooid cha Bangladesh.

Ha ka dorkhat kawa dep e ha ka Special Officer yong ka JHADC, ka KSU waka SBYWA ryngkat ka chnong Hingaria yieñ pyrchah ki lada ka JHADC thmu ko wow dai lilam ya ka wah Prang, wah Tisang wa ki wah heh wah khian kiwa em ha thaaiñ khappood waka ri Bangladesh cha kiwon kiwon ki bru samen næ cha kiwon kiwon ki kynhun næ ki Company.

Ini i pyrchah yong ki seiñbhalang deilang wa ka chnong Hingaria da man ko kam chibynta wow pynneh pynsah ya ki doh-um dohwah wa ki kynja wa im hapoh um.

Katkam ka dorkhat kawa soi pyrtuid da u President ka SBYWA, u Skhembor Shadap wa u President yong ka KSU Hingaria Unit, u Samson Lamin deilang wa u Garness Talang, Secretary Chnong Hingaria da pynsñiaw ki yei kaam tynyap khiar yaki doh-um deiwa wieh dawai, dat bom ya ki wah kawa man kamwa pyndooh jait yaki doh-um doh-wah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka SBYWA, KSU wa ka chnong Hingaria da kyrpaad ki yaka Council wow leh yeiwa emkaam neibynta wow yada næ wow pynneh pynsah ya ki doh-um doh-wah katkam ka aiñ yong ka Council lyngba ka UKJHD Fisheries Act 1954, da ong u S. Shadap, President SBYWA

Da kyrpaad leh yaka JHADC wow phah sylli ko næ wow thung da kiwa pait wa yoo ya kitai ki wah, wow daiñ kuna da iwa heh lada em kiwon kiwon kiwa tyngkheiñ yaka aiñ, ryngkat ka e khusnaam (Prize) ya kiwon kiwon ki bru kiwa chem ya kiwa tynyap khiar ya ki doh-um doh-wah ha wah Prang, Wah Tisang (Kwator-Borkhat).

Heijooh i por da kyntu leh ya ka JHADC wow e ko da ka chithi cha waroh ki Dorbar Chnong kiwa em ha thaaiñ khappood khnang wa ki paidbah wow tip ya ki aiñ yong ka Council katkam ka UKJHD Fisheries Act 1954.

Ha katai ka sngi da e leh ya ka dorkhat cha u Dr. Sankey Shangpung, MDC ka thaaiñ Bataw Lakadong Constituency, wow chimkhia ya kani ka kaam.

Da kyntu leh ya ki Dorbar Chnong yong ka thaaiñ wow pynkhor ya ki bru wa leh ya ki kaam pyrchah aiñ khamtam wow pynkrehkaam ya ka aiñ yong ka Council.