Katkam ka yutip wa da yoh na ki pulit, da ong wa ha ka chi tarik uni u bnai, ki le ngut ki khynnah na chnong Saphai, West Jaiñtia Hills da lai sum ki ha ka Wah Kupli wei nadooh wa lai ym em de liwan yung ki.
Hadien ini da thooh ya kini ki khynnah wei da chem ya ki sula ki harood kani ka wah wei da suba wa da ngam ki.
Ynnin i step da ye wow chim ya ki metyap kini ki khynnah kiwa kynthup ya u Sowkini Biam (11 snem), u Dapdor Langstang (10 snem) wa u Ajim Langstang (9 snem).
Hadien wa leh yeiwa emkaam da ki pulit, da ekti noh ya i metyap cha kiwa hayung yong ki.
Ha iwi won i jia ngam um, da jia i ha Wah Myntang hajan ka chnong Nangbah ynnin heipor kamwa 1:00 i sngi heiwa ki le ngut da lai sum ki ha kani ka wah heiwa u Kynsai Nayang da ngam um u.
Neiliang u Kynsai da paan yarap u na ki 2 ngut ki lok u tangwa hadien wa pyrchang ki, ki leh da jan ngam ki wei da mih noh ki na kani ka Wah heiwa da ngam noh u Kynsai.
Heiyatoh wa ini, ynnin neiliang ki pulit ka F&ES da pyrchang ki wow thooh ya u Kynsai tangwa da chem ya oo ynne dei yarap ki pulit ka SRT.
