U symbood montri rangbah ka jylla u Prestone Tynsong da ong u wa chwa wow pynbaad ya kiwi toh u pyrkhat bha ya toh pyn cha idæ wei yeini da ong u heiyatoh wa pynbaad u MLA ka South Shillong u Sanbor Shullai wa tkoh i krehkaam ka chnat i chait i khiah.
Da ong u leh wa hei kreh em bait i duna heini heitai tangwa chwa wow klam toh u pyrkhat chwa 100 sien neibhah kani ka kaam toh i rai ka sorkar kiwa da lai leh wow li e mynsien khnang wa ki bru ym hær-rngu ki deiwa ya krehlang waki bor chnong wei neiliang u montri i chait i khiah da leh u yeini khlem da chim chuti lada man ka sngi Bibar leh.
Chooh chooh da ong u wa ym bha u klam khlem da pyrkhat neibhah ini ym toh iwa yoosuk wei toh u e u bichaar ki paidbah wei toh u wan chakhmat wow e yumut yow pynjanai yei krehkaam.
Ha iwi tawon i liang da ong u wa heiyatoh wa slem wow leh yaka Test, da pdiang u wa em hi i duna ki bru wakreh wei ka sorkar leh smat ko wow leh ya iwa emkaam yow pynbiang bru nadooh wow leh yaka Test, u pynbiang yaki Report wa kiwi kiwi wei ktah hi ko leh ya kitu kiwa hap yang yaka Result katwa ya kitu hi kiwa em hei maa daw hap hi ki wow leh yaka Quarantine wa 14 sngi.
