Ka yalang wa kyrpang ka chnong Mupliang Village Covid-19 Committee wa ki dkhot ka Executive Committee Mupliang kamjooh ki dkhot ka VDP ka chnong wa da man ha ka 30 Naiyñiaw, wei da yaklam yillu ki heiwa kammon wow yada naka khlam COVID-19.
Ha ka yalang da klam yillu heiyatoh wa kiwa boon ki kaam ya kiwa daw pynkrehkaam noh hapoh ka chnong.
Ha ka yalang da rai wow booh ya ki Check-Gate ha man ki dong kiwa em hapoh ka chnong, wei i por wow khang ya ki u man i 9:00/10:00 i miet.
Ym chah de ya kiwa na baar chnong wow psiah chapoh ka chnong khlem yohbor na ki bor ka chnong.
Ki khon ka chnong wa lai wa wan cha ki Red-Zone Area toh u Register namo wow pyntip cha ki bor ka chnong deiwa phone ha ki Number 7005785213, 8787590870 wa 8132828700.
Da khang pyrchah ya ki bru na baar chnong wow psiah chapoh u pood ka chnong kamjooh leh da khang ya kiwa na baar wow wan chapoh chnong lada em kiwa khlaad hapoh chnong.
Kiwa yah Truck toh u Register næ pyntip ki cha ki bor chnong deiwa phone ha ki Number wa da kdaw haneiñ manda wan psiah ki chapoh u pood ka chnong.
Da khang pyrchah ya ki khynnah wa kiwa da heh rta wow mih ki cha lait yung, emkaam leh wow booh ya ki Register ha ki yung wa em wa khlaad heiwa emkaam wow thoh yei pyrtuid wa ki chnong kiwa wan pyntngen.
Da kyntu leh ya waroh wow bood ya ki kyndon sorkar wa da pynmih neipor cheipor.
Heijooh i por da maham ya kiwa leh pyrchah ya kini ki kyndon wow chah pynchitom ki katkam ki kyndon ka aiñ.
