Ka lieñsuiñ ka Air India Express ynnin i miet da khliah ko ar lyngkhot hadien wa ym ye ko wow sangeh heipor wa biang wei da noh ko chapoh synrang wa yillu kamwa 35 phut ynnin i miet ka 7 tarik.
Kani ka lieñsuiñ toh kawa wan na Dubai deilang wa 190 ngut hapoh wei da hiar ko ha Kozhikode Airport, tangwa neidaw wa joor u slap heipor wa hiar ko heipor kamwa 7:41 PM iwa da pyrchang chwa arsien wei hei sien wa le manda hiar ko, da hiar ko chakhmat ya i thaw wa toh u hiar kamtæ lut sarok noh yow ye ko sangeh heipor.
U Civil Aviation Minister u Hardeep Singh Puri da lai pait u ya ini i thaw wa jia wei da ong u wa hadien wa noh kani ka lieñsuiñ cha synrang wa yillu kamwa 35 phut neidaw wa ym ye de ko wow sangeh, da khliah kani ka lieñsuiñ ar lyngkhot wei da khlaad 18 ngut ki bru wa kyntup leh ya ki arngut ki Pilot.
Ka Air India Express da pyntip ko wa na ki 190 ngut kiwa em hapoh, 174 ngut toh ki bru paidbah, 10 ngut ki khonboo, 4 ngut ki Cabin Crew wa 2 ngut ki Pilot.
U Pilot-in-Command toh u Depaak Sathe uwa jooh man kam u Wing Commander ka Indian Air Force.