Jowai: U District Magistrate, West Jaiñtia Hills District, Jowai da pynmih hukum (Prohibitory Order) u haka 8th August, 2020 hapoh ka Section 144 CrPC hapoh waroh kawi ka District wa kynthup yaka Amlarem (Civil) Sub-Division, Thadlaskein Block wa Laskein Block yow khang yei poor ka khlam COVID-19.
Ka hukum toh kawa krehkaam nadooh ka 9th August, 2020 hadooh wa pynmih hukum da kamwi kawa neh nadooh 5:00 AM hadooh 9:00 PM man-ka-sngi deiwa khang leh yei lai na kawi ka jylla cha kawi.
Da khang wow pynman ya kawon kawon ka yalang paidbah, wei toh u deiñ yaki Mask, u leh yaka Social Distancing deiwa yajngai uwi na uwi 6 phut kamjooh wow bood leh ya kiwi ki kyndon sorkar wa da pynmih naki por cha ki por.
Ym pu chah wow wai yaki thaw mane Blai lane u pynman yaki yalang niam. Da khang leh wow wai yaki thaw uiñke suwari, ki yalehke Sport wa hap wow yabi lane kiwa ya tyngkhooh uwi ya uwi.
Ym chah leh wow chongdai cha ki luti lai paidbah.
Da khang leh wow mih ki bru kiwa em 65 snem chaneiñ, kiwa chitom, kiwa punkhon waki khynnah wa 10 snem chapoh. Ym chah wow dih kiad, u baam kwai, duma ha ki thaw paidbah kamjooh wow mynthu haki thaw paidbah.
Da khang leh wow pynyap yaki dakha deiwa pynemkaam daki Dynamite, deiwa pynemkaam da i bih ha ki um ki wah hapoh ka District.
U District Magistrate da pyntip u wa kani ka hukum ym em khang ko yei krehkaam ki thaw sumaar kam ki Out-Patient Departments (OPDs), ki Medical Clinics tangwa hap ki wow bood yaka Social Distancing wa kiwi kiwi ki laad yada.
Ym em khang leh yaki chipai, ki wakreh hei kaam i chait i khiah kiwa leh yei kaam yong ki, ki Wholesale & Retail Pharmacy, Police & Armed Forces, Fire & Emergency Service, MeECL & Power Grid, Food & Civil Supplies Department & FCI, Jowai Municipal Board, Telecom, Communications & IT Services wa ki Common Service Centre (CSC), Print & Electronic Media, ki wakreh sorkar wa leh yei kaam yong ki, ki Bank wa Treasury, PHE, AH & Veterinary, Agriculture & Horticulture, C&RD waka Meghalaya State Pollution Control Board (MSPCB).
Kiwa da heh rta kiwa em palat 60 snem chaneiñ ym emkaam ki yaki Pass lane ki Curfew Pass wei emkaam ki du wow rah yaka Photo ID yow pynsakhiat yei rta ki hawa lai emkaam ki. Katwa yei lai na kawi ka jylla cha kawi emkaam wow yoh yaka Interstate Transit Pass na u Deputy Commissioner, West Jaintia Hills
Kani ka hukum ym em khang ko yei wai ki dukan Fair Price Shop kiwa em hapoh ka NFSA wa NON-NFSA kiwa ye u wai man ka sngi nadooh ka 2nd August, 2020 heipor 9:00 AM hadooh 6:00 PM.
Ki dukan wa dai yaki mar wa emkaam (Essential Goods) ki dukan kam ki Hardware Store, Stationery Shops, Shoe Shops, Dry Clean Shops, Textile Shops, Kitchen Utensils Shops, Household Electronics, Automobile Showrooms, Fishing Goods, Toys, School Items, Umbrella, Rain Coat, Tarpaulin, Torchlight, Teer Counter, Dry Fish (Tungtap wa dkharang ) kiwa da jied da ki waheh chnong kamjooh ka yaw Lay-Bye Market wa em ha Ialong u wai ki Monday hadooh Saturday nadooh 9:00 AM hadooh 6:00 PM.
Chah hi leh ya kiwa leh yaki Courier Service yaki mar wa emkaam, kiwa leh yaka E-Commerce yaki mar wa emkaam wa kiwa leh yaka Home Delivery yaki kot.
Ki karkhana chna Truck kiwa em ha ki sarok-bah kamjooh ki karkhana wa em ha ki thaaiñ palat-sor kiwa jied da ki waheh chnong kamjooh ki karkhana kari kiwa em hapoh u pood ka Jowai Municipal kiwa da jied da u District Transport Officer, West Jaiñtia Hills District, Jowai, u chah u krehkaam ki kamjooh kiwa leh yaka Mobile Car Repairing Services deiwa em 2 ngut kiwa chna kari wa uwi wa yah kari.
Ki dukan wa dai, wa chan Mobile Phone, Computer kamjooh kiwa leh Mobile Phone Recharging kiwa da jied da ki waheh chnong u chah u wai ki.
Ki dukan cha wa em cha ki thaw palat-sor hapoh ka C&RD Block Amlarem, Thadlaskein wa Laskein kiwa jied da ki jar jiar ki waheh chnong u chah u wai ki nadoh 9:00 AM hadooh 6:00 PM ha ki sngi Monday hadooh Saturday. Katwa ki dukan dai cha kiwa em ha ki sarok-bah haki thaw palat-sor ym chah wow wai ki.
Ki yung krehkaam yong ki bru samen u chah wow wai ki deiwa pynemkaam du 33% na ki bru wakreh yong ki katwa ki Shopping Mall u wai ki nadooh Monday hadooh Saturday nadooh 9:00 AM hadooh 6:00 PM.
Ki dukan ah sniooh (Salons & Beauty Parlour) u chah u wai ki Monday hadooh Saturday nadooh 7:00 AM hadooh 6:00 PM deiwa bood yaki kyndon (Health Protocol).
Ki Restaurant/Cafe/Food Outlet lait na kitu kiwa em ha ki National Highway, u chah hi wow wai ki Monday hadooh Saturday nadooh 9:00 AM hadooh 6:00 PM deiwa bood yaki kyndon wa pynmih daka Tourism Department, Government of Meghalaya.
I wai yaki Hotel hapoh ka District emkaam ki wow yoh bor na u Deputy Commissioner.
Ki yaw wa jooh pynman chisien chi tayaw ha West Jaiñtia Hills District wa kyntup yaki dukan ha Iawmusiang u wai ki sngi pood nadooh 9:00 AM hadooh 6:00 PM lait na kitu kiwa em ha khappood wa kiwi ki ri namo ki Border Haat kamjooh ki yaw wa em ha khappood wa kiwi ki jylla.
Kiwi tawon ki kaam kam ki chna yung chna sem, ki karkhana, ki kaam rep wa kiwi kiwi kiwa da yoh bor, u pteiñ hi ki kamjooh wa kynthup leh ya i rukom kamai kari.
Ki kari sorkar (State and Central), ki kari samen yong ki wakreh sorkar kiwa leh yei kaam yong ki, toh u biah ki yaki Pass wa e da ki Head of Department yong ki ha i thaw wa chynna.
Ki kari wa kit yaki mar wa emkaam kamjooh ki bru kam kiwa kreh ha i chait i khiah, ki wakreh Fire & Emergency, MeECL, Power Grid & NEEPCO, Public Works Department (PWD), Public Health Engineering Department (PHE), Food & Civil Supply Department wa kynthup yaka FCI, Jowai Municipal Board, Postal Service, Telecom, Communications & IT, Press, Print & Electronic Media waki Banks da lait ki nei pynbait wow lai daka Odd wa Even Number.
Ki paidbah hap ki wow booh yaka Social Distancing deiwa yajngai 1 meter (6 ft), ym toh wow ya khynnia ha iwi i thaw lane i dukan, u deiñ ki yaki Mask, ym toh wow mynthu ha ki thaw paidbah wei wow ya krehkaam lang wa ki bor District, ki pulit ka District waki waheh chnong yow bood yaki kyndon wa da pynmih.
Ya kiwa leh pyrchah daw pynchitom katkam ka Section 51(b) ka Disaster Management Act, 2005.
