Ka seiñ kiwa kamai kari kawa tip kam ka Tourist Owner’s Association Elaka Chiliang Myntang (TOAECM) West Jaiñtia Hills District da pynbna ko yaki kyndon kamai kari kiwa man kamni ha wah:
- Ki kari kamai kam ki Sumo wa ki Pick-up (2 seat) waki Alto 800 wow bood ki yaki kyndon wa da booh daka sorkar.
- Ki Number kari wa lai haka Monday, Wednesday wa Friday toh u man ki kiwa kut ha u Number 1,3,5,7,9 (Odd Number).
- Ki Number kari wow lai haka Tuesday, Thursday wa Saturday u man ki kiwa kut ha u number 0,2,4,6,8 (Even Number).
Ka Association da maham ko wa ym chah ko wow thap bru (Passenger) na kiwi ki chnong cha kiwi won ka chnong kam ha kini ki por wa em ka khlam COVID-19.
Hawa chong kari, hap wow deiñ yaki Mask nadooh uwa yah kari hadooh kiwa chong kari wei ym chah wow dih biri/sikret hapoh kari.
Kiwa kamai kari toh u em ki yaka Register khnang wow chim ya i pyrtuid yong kiwa chong kari ha ki por wa lai wa wan ki.
Ki tre kari toh u pynemkaam ki yaki Hand Sanitizer.
Hap leh wow bood yaka Social Distancing kamjooh waroh kiwi ki kyndon (Protocol) wa da pymih daka sorkar.
Lada em kiwon kiwon kiwa yah kari wa ki tre kari kiwa pyrchah ya ini, daw pynchitom yaki katkam ki kyndon wa da yakut.
Ka Association ym chah ko leh yaki kari Private wow kamai ki, lada chem ya kiwa kamai, daw hap wow pynchitom yaki katkam ki kyndon yong ka sorkar.
I pyntip na u Secretary ka Tourist Owner’s Association Elaka Chiliang Myntang West Jaiñtia Hills District u Bloming Rabon.