Shillong: Neidaw wa em wa yoh COVID-19 kamjooh wa ye leh u em kiwa em hei maa na u COVID-19 haki yung wa ki dukan wa em ha Malki, yow ye u pyndep yeiwa emkaam kam ka Contact Tracing, Quarantine, Testing wa Isolation heijooh i por yow khangkset ya kini ki thaw yow yada yaki paidbah nei poor u COVID-19.
Ka District Magistrate, East Khasi Hills District da pynmih hukum ko haka 10 tarik uni u bnai yow pynman kam ki Containment Area ya i yung ka Mainly Warjri, (Chinapatty Malki), i dukan Lovely Store, Malki Point, Malki wa i yung u Martian Mawthoh ha Riat Bharat, Malki Nongshiliang yow khang yei psiah i mih chapoh kini ki thaw khlem da yoh bor.
Kani ka hukum da khang ko ya kiwon kiwon ki bru paidbah wow psiah cha kini ki thaw. Kiwa sah hapoh kini ki thaw toh u neh bait ki hapoh yung wei ym toh wow mih ki cha lait.
Ym chah wow pynman ya kiwon kiwon ki yalang paidbah, wei waroh ki dukan, ki yung krehkaam sorkar kamjooh ki yong ki bru samen u man ki kiwa khang hadooh wa pynmih hukum da kamwi.
Kani ka hukum ym em khang ko ya ki wakreh ha ki laad pathai khubor, ki wakreh ka Shillong Municipal Board wa kiwa li booh kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
