U Speaker ka Manipur ynne ka sngi da pdiang u yei ieh noh kaam (Resignation) ki 5 ki MLA ka Congress.
Ki 5 ngut ki Manipur Congress MLA kiwa da Resign toh u Okram Henry Singh, Oinam Lukhoi Singh, Muhammad Abdul Nasir, Ngamthang Haokip wa u Ginsuanhau deilang wa u MLA Paonam Brojen da li e ki yaka chithi ieh kaam hadien wa kut ka dorbar ka sorkar Manipur ynnin ka 10 tarik.
Neiliang u Speaker ka yung dorbar chna aiñ ka Manipur da pdiang u yei ieh kaam ki 5 ngut ki Congress MLAs katwa ya u MLA Paonam Brojen dang ksoh chwa.
Ya i iehnoh kaam u Brojen ym pu em wow pdiang neidaw ka bichaar wow pyndam (Disqualify) ya oo hapoh ka Speaker’s Tribunal dang lai ko chakhmat. U Brojen toh u MLA na Wangjing Tentha Constituency, Thoubal District.
U Okram Henry Singh toh u MLA ka 15-Wankhei Constituency, u Oinam Lukhoi Singh toh na 22-Wangoi, Muhammad Abdul Nasir na 30-Lilong, u Ngamthang Haokip na 51-Saitu (ST) wa u Ginsuanhau na 60 Singhat (ST) Constituency.
