U DHS (MI) ka jylla Meghalaya u Dr. A. War da pyntip u wa hadooh ynne i sngi heipor 1 waje, kiwa dang yoh COVID-19 ha Meghalaya da em ki 27 ngut wa 12 ngut kiwa chait.
Na ki 27 ngut kiwa dang yoh:
Ri-Bhoi: 8 ngut ki bru paidbah
West Jaiñtia Hills: 1
West Garo Hills: 7 (BSF)
East Khasi Hills: 8 (CRPF-2, na kiwi ki chnat chipai-1, BSF-1, wa 4 ngut ki bru paidbah)
South West Khasi Hill: 1 wa liwan na baar jylla
North Garo Hills: 2 kiwa liwan na baar jylla
Ynne da em 12 ngut kiwa chait kiwa na East Khasi Hills 11 ngut (BSF-4, na kiwi ki chnat chipai 1, 6 ngut ki bru paidbah) wa na West Khasi Hills 1 (bru paidbah).
Na ki bru paidbah kiwa dang yoh COVID-19 ha East Khasi Hills, 1 toh uwa yah kari Tourist uwa ym em yachem wa kiwi, 1 ka Nurse NEIGRIHMS, 1 AYUSH Doctor ha Civil Hospital Shillong wei dang takit kammon yoh COVID-19 wa 1 wa yabi ha NEIGRIHMS.
Kiwa dang yoh ha Ri-Bhoi toh 6 ngut na CMJ Breweries, 1 Forest Guard ha Nonghyllem Forest wa 1 wa yabi na u Forest Guard.
Ha West Jaiñtia Hills, 1 toh ka Staff Nurse ka Dr. Norman Tunnel Hospital.
Ha South West Khasi Hills toh uwa liwan na Gujarat.
Ha North Garo Hills toh ki 2 ngut wa liwan na Bihar.
U DHS da pyntip u leh wa ki thaw thiah dang biang hi ki hanla kiwa yoh dang ku ki man ka sngi, wei da pynboon leh yaki Corona Care Centre wei da e yumut leh wa ya kitu kiwa ym em chitom wow booh bait hapoh yung.
Heiyatoh won wa ki 71 tylli Cluster wa da yabhah yaka jylla yow leh yaka Test paidbah, ym pu em chem ya kiwa yoh COVID-19.
Heiyatoh won wa i yabi na ka khawai bia ha Khanapara, ym em de chem ya kiwi kiwa da yabi wei da kyrmen u wa da ye wow kdooh yei poor uni u khñiang wa mih na ini i jia.
Kiwa dang em ya u COVID-19 hapoh ki District man ki kamni ha wah:
East Khasi Hills-425 (BSF-88, ki bru paidbah-268, na kiwi ki chnat chipai-69)
West Khasi Hills-5
South West Khasi Hills-1
Ri-Bhoi-93
West Jaiñtia Hills-16
East Jaiñtia Hills-6
West Garo Hills-72
South West Garo Hills-2
South Garo Hills-2
North Garo Hills-4
Waroh kiwa dang em ya uni u khñiang da em ki 626 ngut, kiwa chait 510 ngut wa 6 ngut kiwa yap iwa da poi 1,142 ngut kiwa da dep yoh COVID-19 ha Meghalaya.
Ki nongmua (Sample) wa da dep phah Test da em ki 41509 tylli, kiwa man Negative da em 40058 tylli wei dang yang yaka Result ki 309 tylli.
Kiwa liwan chapoh ka jylla da em ki 26,990 ngut hadooh ynne i sngi.
