Haka 10 tarik uni u bnai, ki pulit da pyntip ki wa heipor 5:30 i miet, deiwa yoh yutip ki, da pynman yei khynra kari ha Umiam Lake View Point, East Khasi Hills wei da yoh ki wow ksoh ya kawi ka kari wa em ya u number ML-05N-8934 wa yah da u Jayantai Deb (50 snem), uwa da pynyoo ya kawi ka muna wa da booh hapoh ka thaw chong wa booh da uwi u bru wa tip kam u Arneston Dkhar uwa da phah wow li e ya kani ka muna cha ka kurim u.
Napoh kani ka muna da chem 25.23 gms wa suba toh i drug Heroin, iwa da kem noh ki pulit. Heiyatoh wa ini, ki pulit da em ki ya ki 3 ngut wa kyntup yaka Haldora Marngar (24 snem) ka kurim u Arneston Dkhar na HP Petrol Pump, Mawlai, Shillong.
Haka 11 tarik won heipor 1:30 i sngi, da kem ya kawi ka Local Taxi na Mawkynroh Junction deilang wa u Arneston Dkhar (35 snem) wa u Rami Juddin (30 snem) wa 18 gms wa suba toh i drug Heroin na ki.
