Ka sorkar pyrdi da pteiñ ko yei yakhun pyrchah ya ka khlam COVID-19 ha ki jylla wa Union Territory deiwa saam mynkna ya ki dawai wa kiwi kiwi ki tiar yakhun ya kani ka khlam.
Kiwa boon ki tiar yakhun ya kani ka khlam ym em u chna ya ki hapoh ka ri, kamtæ neiliang ka Ministry of Health & Family Welfare (MoHFW), ka Ministry of Textiles wa ka Ministry of Pharmaceuticals, Department for Promotion of Industry and Internal Trade (DPIIT), Defence Research and Development Organisation (DRDO) wa kiwi kiwi ki chnat da pynchlur ki ya ki karkhana hapoh ka ri wow chna ya ki tiar kam ki PPE, N95 Mask, Ventilator wa kiwi kiwi.
Chooh chooh kam chibynta yong ka thong krehkaam ‘Atmanirbhar Bharat’ ka ‘Make in India’ da pynkhlan chooh chooh ko wow pynbiang ya ki mar wow chna ya kini ki tiar yakhun COVID-19 khnang wow ye u chna ya ki pyn hapoh ka ri.
Nadooh ka 11 Wisu (March) 2020, ka sorkar pyrdi da saam ko hadooh 3.04 klur tylli ki N95 Mask wa 1.28 klur tylli ki PPE cha ki jylla, Union Territory, wa kiwi kiwi ki chnat hapoh ka ri. Heijooh i por leh da saam hadooh 10.83 klur tylli ki dawai HCQ cha ki jylla.
Heijooh i por da ekti hadooh 22,533 tylli ki Ventilator wa da chna hapoh ka ri cha ki jylla wa ki thaw sumaar sorkar.
