U DC ka North Garo Hills District da pyntip u wa neidaw wa em 3 ngut ki bru na Mendipathar Namabosti kiwa neiliang ka jylla Assam ka Mendipathar Bazaar da yoh COVID-19 ki wei em i laad wa daw poor uni u khñiang lada ym leh yeiwa emkaam yow yada.
Kamjooh leh wa yajan bha ki bru na Assam waka Mendipathaw Bazaar kawa em neiliang ka Meghalaya wei da em leh i yachem kini ki bru kini ki ar jylla, kamtæ da pynmih hukum hapoh ka aiñ Epidemic Disease Act, 1897 wa hapoh ka Section 144 wow phah khang noh yaka Mendipathar Bazaar.
Ya kani ka yaw u khang haka 14, 15 wa 16 tarik uni u bnai tangwa nadooh ka 17 tarik uni u bnai du ki dukan wa dai yaki mar wa emkaam waki Pharmacy u chah u wai ki hadooh wa pynmih hukum da kamwi.
Da khang leh yei lai i wan ki bru waki kari hapoh ka thaaiñ Mendipathar wei u chah du ya kitu kiwa naka chnat i chait i khiah kiwa leh yei kaam yong ki.