Ha i janmiet ka 10 tarik uni u bnai heipor 6 waje ha chnong Raliang Donglumsehkot, u Transformer da kop diñ u deilang wa ki chrot wa pynchong ya oo hadooh wa wanrah ko yei iñkhaw ki Meter bordiñ wa em ha ki yung ki sem ki bru ha ki 14 tylli ki yung .
U waheh chnong da pyntip u wa hadien wa phone cha u Lineman, da phah u da u bru yong oo hi wow ah yaki Fuse Barrel katwa ya u Wire 11 Kv uwa bi ha u chrot ym em ah ya oo.
Hadien ini heipor 2:03 waje i step synyaw, da kop diñ biang u Transformer, ki chrot bordiñ waroh wei heini i por ki sainar bordiñ yong ki Meter, ki MCB waroh ki yung kamwa 37 tylli ki da dooh ki yaki neidaw wa da iñkhaw lut ki sainar waki MCB Box kamjooh ki Meter.
Neiliang u Waheh Chnong da kyrpaad u ya u Assistant Executive Engineer Shangpung Division wow e mynkna ya ki yung wa da iñkhaw lut ki sainar bordiñ, ki Meter, ki MCB, ki Cut Out deiwa ong leh wa oo daw pyrchang u wow kyrpaad naka sorkar wa toh u yarap ya ki, iwa da jia du neidaw wym chimkhia u Lineman.
