Kiwa dang chah ktah ha u COVID-19 ha India da em biang ki palat 60 hajar ngut deiwa em 64,553 ngut kiwa dang chah ktah ha kini ki 24 kynta iwa da pynpoi leh ya waroh kiwa da yoh palat 24 lak ngut, katkam ka yukheiñ ka Ministry of Health & Family Welfare.
Na kiwa dang chah ktah, kiwa chait da em ki 55,573 ngut iwa da pynpoi ya kiwa chait cha 17 lak, kiwa yap da em 1007 ngut katwa kiwa dang em ya uni u khñiang da ku ki da 7,973 ngut.
Na ki jylla wa boon dooh kiwa chait, ha Andhra Pradesh da em 9559 ngut, Maharashtra 9115 ngut, Karnataka 8609 ngut, Tamil Nadu 5146 ngut wa ha Uttar Pradesh 4125 ngut.
Ka jylla wa hiar dooh kiwa dang em ya uni u khñiang toh ka Karnataka 2006 ngut waka Jharkhand 903 ngut katwa ki jylla wa ku dooh toh ha Maharashtra 2285 ngut, Bihar 1364 ngut wa ha Rajasthan 1132 ngut.
Waroh kiwa chait hapoh ka ri da em ki 71.17% iwa ku naka 70.77% kiwa em waroh 17,51,555 ngut. Kiwa dang em ya uni u khñiang da em ki 26.88% iwa hiar naka 27.27% kiwa em waroh 6,61,595 ngut katwa kiwa yap da em ki 1.95% kiwa em 48,040 ngut. Waroh da em 24,61,190 ngut kiwa da dep yoh COVID-19.
Kiwa chait da tam ki da 10,89,960 ngut ya kiwa dang em ya uni u khñiang iwa ku da 47,600 ngut nadooh ynnin ka sngi.
