Jowai: Ka Meghalaya Bharat Scouts Guides, West Jaiñtia Hills ynne ka sngi 14 tarik Naisaphra deiwa bood ryntih ya ki hukum adong sorkar da pynman ko ya ka yakob dro nae ka Drawing Painting Competition hapyrdi ki Khynnah Scouts-Guides.
Ya kani ka yakob dro da pynman ha yung krehkaam yong ka hajrong ka phang wa yatoh wa i man kyrpang ka Independence Day wei ha kani ka yakob neiliang ki khynnah Scouts-Guides wa wan yachimbynta da yoh laad ki u pynyoo yei sap dro yong ki deiwa rindur nae pynwandur ya ki rukom dro dur wa boonjait.
Neiliang ki bor pait bor pynlai kani ka seiñ da ong wa i pynman ya kani ka yakob toh chibynta wow pynyoo wa kam ka seiñ em ko i sñiawkhia yei man kyrpang kani ka sngi wa khroo yong ka ri India wei chooh chooh leh man ko ka laad wow pynchlur ya ki khynnah Scouts Guides wow embyntalang ki ha kam kani ka sngi wei wow pynyoo ki leh yei sap iwa em ha ki.
Yei saam ya ki Prize cha kiwa jop yong kani ka yakob u e ha ka sngi wabood 15 tarik kawa man ka sngi leh warom yei lai luti wa 74 tylli ki snem i yoh laitlooid ka ri India ka wow man ha yung krehkam yong ka seiñ.
