Ynne ka sngi, u Chairman ka JAF, u Shnalad Rymbai da kam u wa ka JHADC man ko ka Council wa khlem lai katkam ki aiñ ki kyndon (Rules and Regulations) yong ka neibhah katkam ka yutip wa da yoh, ka JHADC da e ko ya ka NOC cha ka karkhana Coke wa em ha ka Elaka Rymbai da man ko kawa pyrchah aiñ weiwa ka District Council ym em pait sylli ko ya ki kot ki sla wei wot wow takit yei pyrchah na kiwa chong chnong yei thmu wow chna ya kani ka karkhana.
Ka JAF da ong ko wa da tip che ko wa ka NOC toh kawa da e samen (Personal) khlem tip kiwa chong chnong ki 4 chnong.
Hawa yaklam wa u Shnalad Rymbai da ong u wa ka JHADC da man ko ka Council wa daw pyndooh jait ya ka jaitbru Pnar neibhah wa ka Council daw dai ko yei khih i kreh ka Ri-loom Jaiñtia.
Chooh chooh u Chairman ka JAF da pynbaad u wa ka District Council ym kwah ko u pynsñiaw khubor ya ka yalang yong ka ynnin neibhah wa toh wa em i kaam Politics wa leh u CEM ka JHADC wa ki dkhot (Member) ka EC.
