U montri rangbahdooh ka ri, u Narendra Modi ynne ka sngi hawa e yei klam ha ka lyngkhooh snem wa 74 yong ka sngi laitlooid ka ri ha Red Fort, New Delhi da ong u wa hapoh 1000 sngi, waroh ki chnong hapoh ka ri u pynyabi ya ki da ki Optical Fiber Cable (OFC).
U Modi da pynkynmoo u wa ha u 2014, em du 5 dorjon tylli ki Panchayat ha ka ri wa da pynyabi da ki OFC deiwa pynrap wa ha ki san snem wa dadep da em 1.5 lak tylli ki Gram Panchayat hapoh ka ri wa da pynyabi da ki OFC.
Da ong u leh wa ki thaw palat sor (Rural) ha India wa ki chnong da chimbynta ha ka Digital India, ini man i iwa kongsan tam wow wanrah yei kaam pynroi iwa salonsar ha ka ri wei hapoh ki 1,000 sngi daw kynjoh hadooh 6 lak tylli ki chnong.
Chooh chooh u Modi da pynbna u leh wa ha ki 1000 sngi ka Lakshadweep daw pynyabi ya ka lyngba u Submarine Optical Fiber Cable.
Ha kini ki sngi wa dadep ka Andaman and Nicobar Islands da pynyabi ya ka da ki Cable napoh duriaw khnang wow pynsmat ya ka Internet wei neini u pynyabi won ya ka Lakshadweep.