Kam chibynta wow yada naka khlam COVID-19, da pynman yaka Test paidbah ha Iawpynsiñ ynne ka sngi da ki bru ka Ummulong CHC hei sakhi lang u Waheh Chnong ka Wahiajer u K. Shylla wa ki dkhot ka Market Committee.
Ya kani ka Test paidbah namo ka Random Testing da leh ya kiwa chong yaw, kiwa kamai kari kamjooh ya kiwa chong chnong ynne ka sngi wa man leh ka sngi pynman yaw wei ka jait Test wa da leh toh kawa tip kam ka Rapid Antigen Test.
Neiliang u W. Phawa, Secretary Iawpynkat Iawpynsiñ Wahiajer da ong u wa ini leh ya kani ka Test man ko kawa yoh myntoi bha ki paidbah wei da leh deiwa ya krehlang wa ka chnong Wahiajer.
Ki bru paidbah wa da yoh wow Test ynne ka sngi da em ki 30 ngut. Wei yaka Result daw e cha ki bor District.
