Ka seiñ kiwa khayi syiñ khayi jhoor kawa tip kam ka Jaiñtia Ginger and Green Vegetables Association, hadien wa da yoh bor na u Deputy Commissioner West Jaiñtia, neiliang kiwa kitkaam ka Association, ynne ka sngi ha Wahiajer West Jaiñtia Hills Hills, da booh ki yei thaw pynkit mar namo ka Loading Centre kamjooh ka thaw wow challan yaki mar rep kam u syiñ, sapdok wa kiwi kiwi ha madan E Iadaw ka chnong Wahiajer.
Kamtæ neiliang u President ka seiñ u Edresly Pale da kyrpaad u yaki warep wow yakhreh lang ki chirup waka Association deiwa pynpoi ki yaki kari cha kani ka thaw kawa da booh ka Association kawa em ha Wahiajer.
Neiliang ka Association da e khublei kyrpang ko yaka chnong Wahiajer wada chah sñiawbha ko yaka Association wow pynemkaam ya ini i thaw.
Ya ini da leh kam chibynta wow yada nei poor ka khlam COVID-19 wei neiliang ka Association da ong ko wa lada em kiwa lai lait ym bien ko wow bah khlieh.
