U DC ka West Garo Hills da pyntip u ynne i miet ka 18 tarik wa kiwa dang yoh COVID-19 hapoh ka District da em ki 28 ngut wei da em leh 9 ngut kiwa chait.
Na kiwa dang yoh, da em 9 ngut kiwa na Tikrikilla, Chibinang wa Jedupara katwa ki 19 ngut won toh ki BSF.
U DC da pyntip u leh wa kiwa dang yoh toh kiwa chongdai dukan, kiwa dai jhoor, ki wakreh ha Petrol Pump wa kiwi kiwi. Kamtæ da kyntu u yaki paidbah wow deiñ yaki Mask ha waroh ki por, u bood yaka Social Distancing wei wow sait bha yaki kti hadien wa wan yaw.
Yaka Chibinang Bazaar da pynbna yaka ynne ka sngi kam ka Containment Zone hadien wa em 5 ngut kiwa yoh COVID-19 kiwa da chem deiwa Test paidbah daka Antigen Test.
U DC da pyntip u leh wa yaka Test Paidbah daw leh mynstep ha Tura Supermarket.
Kiwa chait waroh hapoh ka District da em ki 47 ngut katwa kiwa dang em ya uni u khñiang da em ki 210 ngut iwa da pynman leh yaka West Garo Hills kam ka District kawa ar hapoh ka jylla wa chah ktah dooh hadien ka East Khasi Hills.
