Uwi na ki muktiar ka East Jaiñtia Hills, u Kynjaimon Amse da e dorkhat u cha ka sorkar heiyatoh wa i man i long u sarokbah National Highway-6 nadooh na Khliehriat hadooh ha Ratacherra uwa da sih bha wei uwa da booh hei maa ya kiwa lai wa wan na oo neibhah dei langær da wanrah u yei tyrrah kari wa kiwi kiwi.
Da ong u wa ini da pynartatien ko ya ki paidbah yei miat i bha uni u sarok uwa da chna da ka GRIL neibynta ka NHAI uwa da pynlut da ki phaw klur wow chna ya oo tangwa ym man u uwa chngaaiñ ya ki kari wow lai.
Chooh chooh da ong u wa i bynta uni u sarokbah khamtam ha Umkiang, Sonapyrdi, Tongseng wa kiwi kiwi ymye de wow khut ya oo kam u sarokbah neibhah neibhah ym em de ki yoo lakaam wa toh u sarokbah neibhah wa da dap u da i ktieh wa ka um.
U Kynjaimon da ong u leh wa uni u sarok ym em man u uwa miat neibhah wa ki yingkieñ wa da chna leh ym yoo skem ya ki neibhah wa da chna jhan wei chna khaler ya ki deiwa pynrap wa iyi u myntoi ya ka NHAI u khrong dan ko da ki lak ha ki Toll Gate katwa u sarok won man u uwa sih.
Neiliang uni u muktiar da dawa u na ka sorkar wow leh ya ka Safety Audit ha uni u sarok, wow chna pynmiat biang ya uni u sarok, toh u sylli wei wow chna pynmiat ya ki yingkieñ, kamjoooh leh wow chna ya ki dooid narood u sarok.
Heijooh i por da epor ya ka NHAi wow chna pynmiat ya uni u sarok hapoh 14 sngi lym kamtæ toh u khang wei wow sangeh noh u khrong dan na ka Lumshnong Toll Gate neibynta i bha i miat ki paidbah.
