Kam chibynta yong ka thong krehkaam ‘One Nation One Ration Card’ (ONORC) yong ka Department of Food & Public Distribution, ka sorkar pyrdi toh wow elaad ya waroh kiwa ksoh card rachon hapoh ka NFSA wow ye ki u yoh myntoi na iwon iwon i thaw hapoh ka ri.
Hapoh kani ka thong i saam ya ki mar baam hei dor wa duna ha waroh kawi ka ri toh deiwa leh katkam ka staat ka juk wa katni namo ka IT-Driven System deiwa booh ya ki ePoS Devices ha ki FPSs, deiwa pynemkaam ya ki Number Aadhaar yong kiwa yoh myntoi chirup wa ki card rachon ha iwon iwon i thaw hapoh ka ri.
U montri ka sorkar pyrdi wa pait ya ka chnat Consumer Affairs, Food &Public Distribution, u Ram Vilas Paswan dei langær chong yalang u hajrong ini wa ki sorkar jylla lyngba ka Video Conference.
Waroh ki jylla da pdiang ki wow pynkrehkaam ya ka ONORC wei waroh da soi soskular Memorandum of Understanding (MOU) ki wa kani ka chnat.
Katkam wa man katni ya ka “One Nation One Ration Card” da pynkrehkaam ha ki 24 tylli ki jylla wa ki Union Territory nadooh ka 1 Naisaphra deiwa kdup hadooh kamwa 65 klur ngut kiwa yoh myntoi wei kini ki jylla kynthup ki ya ka Andhra Pradesh, Bihar, Dadra & Nagar Haveli and Daman & Diu, Goa, Gujarat, Haryana, Himachal Pradesh, Jharkhand, Karnataka, Kerala, Madhya Pradesh, Maharashtra, Mizoram, Odisha, Punjab, Sikkim, Rajasthan, Telangana, Tripura, Uttar Pradesh, J&K, Manipur, Nagaland wa Uttarakhand katwa kiwa sah nawon daw pynkrehkaam ya ka chwa u Wisu 2021.
Ini mut i wa hapoh kini ki jylla kiwa khih mylla na kiwon kiwon ki thaw ye ki wow yoh mar baam kam kiwa em Card Rachon.
Ha Meghalaya da sdang booh (Installation) ya ki tiar ePoS wei ye u pyndep yeini hapyrdi u Naichiphaw (October) 2020 wei u pynkrehkaam ya ka ha u Kmaichonglad (December) 2020.
