Ka e sikai wa ar sngi neibynta kiwa yah kari kamai da sdang ya ka ynne ka sngi kawa da e pyrtuid “Training of Drivers on COVID-19” kawa pynman ha U Soso Tham Auditorium, Shillong ka wow pynkut haka 21 tarik uni u bnai.
Ynne ka sngi wa sdang toh neibynta kiwa yah kari Tourist Taxi kiwa da em palat 100 ngut kiwa da wan chimbynta kiwa napoh ka East Khasi Hills District.
U Deputy Commissioner of Transport u PM Sangma hawa e yei klam pdiang burom da klam u chaphang i emkaam wow lai Test dei langær wei wow bood yaki kyndon yada.
Yaka e sikai da e daka Dr. S. Kharkongor, In-charge Training, Health Department waka Dr. Meena Chavan kawa naka John Hopkins University.
Ka Dr. Kharkongor da ong ko wa hachwa ini, da dep wow eksikai ya kiwa boon heiwa chi sngi chwa da dep esikai ya kamwa ki 50 ngut kiwa kamai kari Tourist ha yung krehkaam u DTO.
Neiliang kiwa yah kari da pyntip ki wa da yoh ki yei e sikai wa bniah heiyatoh kammon wow yada, katwa ya kiwa yah kari Local Taxi daw yoh ki ya i esikai mynstep ka sngi.
Ki kattu katni kiwa yah kari da ong ki wa da yoh ki yei sikai kammon wow pynemkaam yaki Mask, u sap wei wow looid yaki sula PPE kamjooh kammon wow lehkhooid yaki kti hadooh wow pynkylla yei rukom im deiwa ong leh wa da yoh myntoi bha ki na kani ka esikai.
