Ha jylla Assam, ynne ka sngi da boon da kiwa chait bar ya kiwa dang yoh COVID-19 yow pynpoi ya kiwa da dep chait palat 63 hajar ngut.
Katkam wa pyntip u montri i chait i khiah ka Assam u Himanta Biswa Sarma, kiwa dang yoh toh 1735 ngut kiwa da chem na ki 34,376 tylli ki Test kiwa da leh ha kini ki 24 kynta iwa man 5.04% kiwa yoh (Positivity Rate).
Na kiwa dang yoh kiwa boon toh na Kamrup (M) da em ki 389 ngut, na Cachar 175 ngut, na Dibrugarh 116 ngut wa na Barpeta 112 ngut.
Kiwa chait dang chait da em ki 2772 ngut.
Ynne da em leh 8 ngut kiwa yap na u COVID-19 kiwa em 70, 48,49,48,60,60,45 wa 46 snem i rta.
Waroh kiwa da yoh da em ki 86052 ngut, kiwa chait 63120 ngut, kiwa dang em ya uni u khñiang da em ki 22708 ngut, kiwa yap 221 ngut wa 3 ngut kiwa mih napoh ka jylla.
