Shillong: Hadien wa da pyndep ya ka Contact Tracing wei wa yoh ya ki Test Report yong ki High Risk Contacts na yaw Lad Smit Market, wei deiwa pynkylla ya ka hukum wa pynmih ha ka 27 Naiynñiaw, 2020 wei deiwa pynkrehkaam ya ki kyndon ka Meghalaya Epidemic Diseases, COVID-19 Regulations, 2020 and Amendments. Ka Deputy Commissioner, East Khasi Hills District da pynmih ko ya ka hukum ha ka 20 tarik uni u bnai wow chah wow wai biang ya ka yaw ha Lad Smit.
Da hukum leh wow bood ya ki kyndon ka SOP wa pynmih da ka chnat i chait i khiah ka jylla.
Ka Deputy Commissioner da phah ko wow wai biang ya ka yaw nadooh 8:00 i step hadooh 6:00 i janmiet man ka sngi lait na ka sngi Bibar.
Ki tre dukan wa kiwa wan yaw wo sap Mask ki dei langær wei wow man ki kiwa lehkhooid kamjooh leh u sait kti dei langær da ki Sanitizer wei wow jngai ki iwi na iwi kamwa 2 metre namo 6 feet.
Ki Market Committee ka Dorbar Umphyrnai, Kynton U Mon wa Ur Masi U Joh u bahkhlieh ki wow pynkrehkaam ya ki kyndon ka sorkar kamjooh leh wow pynkhooid ya ki yaw wei ymtoh u chah ya kiwa chongdai u em ki ha rood sarok.
Ki Committee toh u pyntikna ki leh wa u wai du ki dukan kiwa neh chithaw don (Fixed Shop) wei kiwa tyrwa tiar wa kiwa chong dai madan (vendors and hawkers ) u dai mar ki du na ki thaw wa da booh hadien ka Lay-Bye.
Kini ki Committee toh u booh ki ya ki yutip heiyatoh wa kiwa chongdai wei wow ekti ya ki manda emkaam ki bor ka District Administration kamjooh leh ki tre dukan u pyntikna ki wa ki paidbah u bood ki ya ki hukum wa pynmih ki bor District neipor cheipor khamtam na ka yung krehkaam ka Deputy Commissioner, East Khasi Hills.
