Shillong: Neidaw wa em wa yoh COVID-19 kamjooh wa em ki bru wa em hei maa wow yoh COVID-19 wei yow leh yeiwa emkaam yow yada ya ki paidbah deiwa booddien (Contact Tracing), u leh ya ki Test, ki Quarantine wa kiwi kiwi. Ka District Magistrate, East Khasi Hills District, da pynmih hukum ko haka 21 tarik uni u bnai yow pynbna ya kini ki thaw ha wah kam ki Containment Area.
I yung (Building) ka Berina Shabong (Lumpdeng) Lawsohtun Block II u man ki kam ki Containment Zone.
I Rana Compound wa Md. Salim Compound ha Lower Mawprem kam ki Containment Area.
I yung ka B. Dkhar wa em ha Amjad Ali Road, Laban u man i kam i Containment Area.
Ha waroh kini ki thaw da khang ya ki bru paidbah wow psiah cha ki kamjooh leh kiwa em hapoh kini ki thaw wow neh biat ki hapoh yung.
Ha kini ki thaw, da khang wow pynman kiwon kiwon ki yalang paidbah, u wai ya ki dukan, ki yung krehkaam sorkar kamjooh ki yong ki bru samen, ya iwa emkaam daw pynbiang da ki bru ki bor pynlai District.
Kani ka hukum ym em khang ko ya ki wakreh ka chnat i chait i khiah (Health Workers), ki wakreh ka Shillong Municipal Board, ki laad pathai khubor, Petrol Pumps wa kiwa kit kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
