Ka yung krehkaam ka NEIGRIHMS da pyntip ki wa neidaw wa kam kawi ka bru wa em Breast Tumour kawa da wan thiah Hospital ha u Naiynñiaw (July) 2020 hapoh ka General Surgery Ward, NEIGRIHMS yow chah sumaar wei da leh ya ini hadien wa dep Test wa man Negative ko ya u COVID-19.
Da booh wow chah sumaar ko ha kani ka tayaw wow wan wei da Test biang yaka heiwa ha ini won i por da chem wa da yoh ko ya u COVID-19, wei ym em ko ki dak chitom kam wow riñ mynsien.
Da em leh 19 ngut kiwa em hei maa kiwa yachem yajan wa kani ka bru wei kattæ da em ki hapoh Quarantine.
Kamtæ na ini i daw, da hap khang yaka Department of General Surgery, NEIGRIHMS, hadooh wa pynbna da kamwi.
Kiwi ki kaam wa leh ka Hospital u pteiñ ki kamwa jooh.
