Ka 6 Shnong Wah Lukha Association ha ka yalang kawa da man ha ka 15 tarik uni u bnai ha chnong Kuliang da pynskem biang ko ya ka rai wym chah u thang Dynamite (Blasting) ha wah Lukha wei wow wieh dawai bih yow pynyap ya ki dakha ki dohum wa em ha wah Lukha.
Ka seiñ da yoh yutip ko wa dang em ki bru wa chim kabu kiwa thang Blasting ha kini ki sngi wa da dep, wei kamtæ ka seiñ da khut da wer ko ya waroh ki rawon kiwa jooh wan khwe cha kani ka wah u krehlang ki wa ka seiñ deiwa pyntip cha kiwa kitkaam lada chem neini chakhmat wa dang em kam kitæ ki wa thang Blasting ha kani ka wah.
Ka seiñ chooh chooh da maham ko wa lada chem ko ya kiwa thang Blasting ha wah Lukha daw pynchitom ko ya ki katkam ki kyndon aiñ yong ka seiñ wei u ekti leh ya ki cha ki bor yong ka aiñ kamwa da maham da ka yung krehkaam u Deputy Commissioner East Jaiñtia Hills, Khliehriat wow pynngat ya ki ha ka aiñ Fisheries Act 1897 wa ha ka United Khasi Jaintia Hills District Fishery Act 1954.
Kani man ko katkam ka kyrwoh wa da phah da u Daiapherbha Lamare, Secretary 6 Shnong Wah Lukha Association.
