Neidaw wa em wa yoh COVID-19 wei da em leh kiwa em hei maa namo ki High Risk Contact wow yoh ya uni u khñiang ha i yung (Building) wa em ha Rilbong, Shillong, kamtæ da emkaam wow leh yeiwa emkaam yow yada ya ki paidbah deiwa leh yaka booddien (Contact Tracing), Quarantine, Testing wa kiwi kiwi.
Neidaw leh wa i thaw psiah cha ini i yung em ko du iwi, heiwa da tyngkheiñ leh ya ki kyndon Social Distancing, i deiñ ya ki Mask kamjooh wow lehkhooid ya ki kti. Kamjooh leh wa ka Result ka Test RT-PCR dang man kawa dang yang kawa leh ynnin ka sngi.
Kamtæ neiliang ka District Magistrate ka East Khasi Hills da pynbna ko yaka yung krehkaam wa ki thaw sah ki wakreh ka The Shillong Times kam ka Containment Area nadooh ynne ka 22 tarik, yow khang yei psiah i mih ki bru khlem da yoh bor.
Da khang ya waroh ki bru wow psiah ki chapoh kini ki thaw, wei kiwa em hapoh kini ki thaw ym toh wow mih ki cha lait.
Da khang wow pynman ya kiwon kiwon ki yalang paidbah, u wai ya ki dukan, ki yung krehkaam sorkar kamjooh yong ki bru samen ha kini ki thaw heiwa ya iwa emkaam daw pynbiang da ki bru ki bor pynlai District.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
