Shillong: Neidaw wa em wa yoh COVID-19 ha kini ki thaw ha wah kamjooh wa em ki bru wa em hei maa na uni u khñiang wei emkaam wow leh ya kiwa emkaam kam i booddien, i leh Test, Quarantine wa kiwi kiwi de yow yada yaki paidbah na ka khlam deiwa khang kset ya kini ki thaw yow lait ki bru u psiah u mih khlem da yoh bor.
Neiliang ka District Magistrate ka East Khasi Hills da pynmih hukum ko haka 22 tarik uni u bnai yow pynbna ya kini ha wah kam ki Containment Zone.
Ka Mathura Compound wa em ha Jhalupara, Shillong, Horju Roy Compound wa em ha Jeep Stand, ki Quarter No. C-8, Quarter No.B-2, Quarter No. A-11, Quarter No. C-45, Quarter No. C-23 wa Quarter No. C-19 ka Survey of India, Barik, Shillong u man ki kam ki Containment Zone nadooh ka 22 tarik.
Deiwa pynkylla yaka hukum wa pynmih haka 20 tarik, da pynmih yaka hukum haka 22 tarik uni u bnai wow pynneh kam ka Containment Zone du ya i yung u Martian Mawthoh ha Riat Bharat, Malki Nongshiliang .
I yung ka Ponoli Lyngdoh ha Rilbong Dunoon Compound hajan Meghna Marak Building wa i yung u Arjun Kumar Rai, u Debu Sarkar wa u Mohon Biswa ha Oxford Hills, Maxwelton Estate, Rilbong u man ki kam ki Containment Area nadooh ka 22 tarik.
I yung ka Highly L Lamare ha New Kench’s Trace, Bishnupur, R Kurbah Compound, Mawlonghat iwa em hajan ka Punjabi Lane, i Ramon Cottage wa em ha Oakland u man ki kam ki Containment Zone nadooh ka 22 tarik uni u bnai.
Ha waroh kini ki thaw da khang ya kiwon ki bru wow psiah cha kini ki thaw, kiwa em hapoh kini ki thaw ym toh wow mih ki cha lait.
Da khang wow pynman ya kiwon kiwon ki yalang paidbah, u wai ya ki dukan, ki yung krehkaam sorkar kamjooh ki yong ki bru samen heiwa ya iwa emkaam daw yarap da ki bru ki bor pynlai District.
Kani ka hukum ym khang ko ya ki bru wakreh ka chnat i chait i khiah, ka Shillong Municipal Board, ki laad pathai khubor, Petrol Pump wa kiwa lai booh kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
