Deiwa em 67,151 ngut kiwa dang chah ktah ha u COVID-19 ha kini ki 24 kynta, da pynpoi ko cha 32 lak tam kiwa da dep yoh ya uni u khñiang hapoh India katkam ka yukheiñ ka Ministry of Health & Family Welfare.
Kiwa dang chait da em ki 63,173 ngut, kiwa yap da em sa 1,059 ngut katwa kiwa dang em ya uni u khñiang da ku da 2,919 ngut.
Ki jylla wa boon dooh kiwa chait toh ha Maharashtra 12,300 ngut, Andhra Pradesh 9419 ngut, Tamil Nadu 6998 ngut, Karnataka 6814 ngut, Uttar Pradesh 4647 ngut, West Bengal 3251 ngut wa ha Bihar 3009 ngut.
Da em leh 12 tylli ki jylla wa hiar kiwa dang em ya uni u khñiang iwa boon dooh ha Maharashtra iwa duna da 2204 ngut, Bihar 1676 ngut wa ha Tamil Nadu 1154 ngut. Ki jylla wa boon dooh wa ku kiwa em ya uni u khñiang toh ha Telangana 1948 ngut, Karnataka 1199 ngut, Chhattisgarh 964 ngut wa ha Kerala 909 ngut.
Kiwa chait hapoh ka ri da poi ki 76.30% iwa ku naka 75.92% kiwa em 24,67,758 ngut, kiwa dang em ya uni u khñiang da em ki 21.87% iwa hiar naka 22.24% kiwa em 7,07,267 ngut wa 1.84% kiwa yap kiwa em 59,449 ngut. Waroh da poi 32,34,474 ngut kiwa da dep yoh COVID-19 ha India.
Kiwa chait da tam ki da 17,60,491 ngut ya kiwa dang em ya uni u khñiang iwa ku da 60,254 ngut nadooh ynnin ka sngi.
