Da u C. Pynsakhiat Yeini Kyndiah, Loompyrdi Iongpiah Jwai
Lada dooh leh won wymhoi,
Lada dam leh i wymman.
Wymtip cheiwon u poi,
Yei manbru wa pakhnan.
Bei sorkar wa da e ki scheme,
Yoh u myntoi u paaid u phlang.
Dei wasuk wan wym yoh u chim,
Daw yap thngan hawa yang.
I baam ini de dapoi la ha r’dang,
Yei ktien wapied la kyndhar.
Wymyoh u baam sepai wa ang,
Man dymem da’u Aadhaar.
Dawan waroh ki jan ki jngai,
Wow li yieñ laiñ ha post office.
Itæ khamtam man i ha Jwai,
Yei wow poi ka pali ki wymtip.
Em hi i yoo wyrai chi rukom,
Dang step synñyaw wa li yieñ laiñ,
Wymtip de wow ong kammon,
Yeiyi u kynnoh yeiyi u beiñ.
I yong ini i bakla, yi wow bichaar yeini?
Em wa pynbor namo i mon hi.
Lada yoh dei yoh leh paya dei saja,
Ari kaini ha pyrthai chong wasa.
