Ynne i step ka 28 tarik, ha i por kamwa 8 waje, ka HYC Upper Shillong Circle deiwa emlang kiwa kitkaam ka chnong Sanmer da yoh ki wow ksoh ya kawi ka Truck kawa wan na Patna, Bihar kawa em ya u Number AS-25CC-8926 ha luti wow lai cha Lum Shyllong Lad Sanmeiñ.
Ha kani ka Truk da em kamwa 6 ngut ki baar jylla, uwi na ki da kam u wa toh u chipai heiwa da emlang ka kurim u wa ki 2 ngut ki khon kiwa dang khian. Da chem leh wa kini sa kiwi ki baar jylla wa da kitlang ya ki tiar ki tar deilang waka thuk thuk wa ka Cycle.
Ha i takit ya kini, da chem wa ym em ki ya ki kot ki sla wa biang wow pynsakhiat wa da dep ki wow leh yaka COVID-19 Test na i thaw psiah wa em ha Byrnihat lait na kitu ki kot wa pynyoo yei chah kyrriah kreh utai u chipai. Ya kini ki baar jylla da ekti noh cha ki pulit ka Jhalupara Outpost wei da kular da ki pulit wow lai yah cha Civil Hospital yow leh yaka COVID-19 Test.
Ka seiñ da pynsñiaw ko yei sñiawsih yei tlot i krehkaam wow sylli (Check) ya ki kot ki sla ha i thaw psiah kawa em ha Byrnihat wei da kylli leh yaka sorkar wa ha iwon i rukom da pynkrehkaam ya katai ka COVID-19 Checkpoint heiwa i yoh psiah yoh mih man ko kawa laitlan ya ki bru wa na baar jylla iwa da sakhi wa boon kat dang mih ki sngi iwa da booh ko hei maa, yaka jylla, yaka dong ka thaiñ hi waroh kawi.
Ka kyrwoh na u General Secretary u Francis Gee Mawlong.
