Katkam wa pyntip ki pulit, ynne i step synyaw ka 30 tarik da em i ya tyrrah kari ha Mihmyntdu heipor kamwa 1:15 heiwa da khlaad noh uwi pyn ha ini i thaw jia.
Ka kari Maruti Celerio ML-04-C-8413 wa yah da u Pyrkhat Suchiang uwa na Thadmuthlong Pyrdi, West Jaiñtia Hills heiwa da emlang hapoh wa u David Phawa uwa na Mihmyntdu, da wan ki neiliang Phramer cha Jowai wei manda poi ha ini i thaw, kani ka kari da tyrrah ko ya kawi ka truck kawa pynyieñ ha rood sarok kawa em ya u Number AS-10-C-2128.
Kamtæ uwa yah kari da khlaad noh u pyn ha ini i thaw wa jia katwa ya uwa emlang hapoh da kit cha Dr. Norman Tunnel Hospital yow yoh yei sumaar.
Ya i meyap uwa yah kari da booh ha Morgue ka Civil Hospital Ialong.
Hadien wa da dep wow leh yeiwa emkaam, yaka kari da taan cha Police Station.