Kiwa da yoh COVID-19 ha Mizoram da em ki 1008 ngut deiwa em sa 5 ngut kiwa dang yoh hadooh ynne i step ka 30 tarik. Kiwa yoh da poi ki 1003 ngut haka 28 tarik uni u bnai deiwa em 29 ngut kiwa dang yoh. Katwa haka 29 tarik ym em wa yoh.
Na ki 5 ngut kiwa dang yoh, mar 2 ngut toh na Kolasib District wa Mamit District wa 1 na Aizawl District. Heiwa ka Aizawl man ko leh ka District kawa boon dooh kiwa dang em ya uni u khñiang kiwa em 267 ngut, pynbood saka Kolasib 109 ngut.
Na waroh kiwa da dep yoh 831 ngut toh ki chynrang wa 177 ngut ki kynthai.
Ka Mizoram da man ko leh kattæ kawa duna dooh na waroh ki jylla wa em kiwa yoh COVID-19 deiwa em 1008 ngut heiwa na kini da chait 584 ngut, kiwa dang em ya uni u khñiang toh 424 ngut wa 2 ngut kiwa da mih napoh ka jylla.
Hei wa ar wa duna dooh kiwa yoh COVID-19 toh ka Sikkim katwa hei wa le won toh ka Meghalaya.