U montri i chait i khiah ka jylla u AL Hek da pyntip u wa kiwa dang yoh COVID-19 ha Meghalaya ynne da em ki 26 ngut katwa kiwa chait da em ki 113 ngut.
Na kiwa dang yoh thymme, 14 ngut toh kiwa ha East Khasi Hills kiwa waroh toh ki bru paidbah. Ha West Khasi Hills 1, East Jaiñtia Hills 4, Ri Bhoi 1, West Garo Hills 5 wa ha South West Garo Hills 1.
Na kiwa dang chait, kiwa boon toh ha East Khasi Hills (80), West Garo Hills (26), East Jaiñtia Hills (3), Ri Bhoi (2), North Garo Hills (2).
Na kiwa dang yoh thymme ha East Khasi Hills 11 ngut toh ki High Risk Contact, 2 ngut kiwa liwan, 1 wa chitom ILI. Ha West Khasi Hills toh 1 High Risk Contact, Ri Bhoi 1 bru chipai, ha West Garo Hills 1 wa liwan wa 4 ngut ki BSF katwa ha South West Garo Hills toh 1 wa liwan.
Kiwa dang em COVID-19 ha ki District man ki kamni ha wah:
East Khasi Hills-854
West Khasi Hills-45
South West Khasi Hills-0
Ri Bhoi-55
West Jaiñtia Hills-2
East Jaiñtia Hills-18
West Garo Hills-116
South West Garo Hills-3
South Garo Hills-14
East Garo Hills-80
North Garo Hills-9
Kiwa dang em ya uni u khñiang da em ki 1196, kiwa chait 1162 wa 10 ngut kiwa yap.
Ki nongmuna kiwa da phah Test da em ki 88963 tylli, kiwa ym em chah ktah namo kiwa man Negative da em ki 85924 katwa dang yang yaka Result ki 671 tylli.
Kiwa psiah chapoh ka jylla da em ki 32573 ngut.
