Shillong: Hadien wa yoh yutip wa em wa yoh COVID-19 da psiah ki hapoh ka dukan Bijoya Store, G. S. Road, Shillong, kamtæ da emkaam wow leh yeiwa emkaam wow booddien ya kiwa em hei maa, i leh Quarantine, i leh Test kamjooh yow khang kset yow ye u yada ya ki paidbah nei poor uni u khñiang.
Neiliang ka Deputy Commissioner, East Khasi Hills District hapoh ka aiñ Meghalaya Epidemic Diseases, COVID-19 Regulations, 2020 and Amendments, da pynmih hukum ko ynne ka 4 tarik wow phah khang chipor yaka Bijoya Store, G. S. Road, Shillong.
Ha kawi tawon ka hukum, hadien wa da dep wow leh yeiwa emkaam kamjooh da yoh yaki Test Report da chah biang wow wai ka Elite Drugs Distributor, RPG Complex, Keating Road, Shillong nadooh ka 4 tarik uni u bnai deiwa booh yaki kyndon.
Kamjooh da chah leh wow wai biang ka yungkrehkaam u Sr. Superintendent of Post Offices, Meghalaya Postal Division, Shillong nadooh ka 4 tarik uni u bnai deiwa bood yaki kyndon wa da booh daka Health and Family Welfare Department.
