Kiwa yoh COVID-19 ha India da tam ki 41 lak ngut deiwa em iwa boon dooh haka chi sngi kiwa chah ktah kiwa em 90,623 mgut ha kini ki 24 kynta hadooh i step ka 6 tarik katkam ka yukheiñ ka Ministry of Health Family Welfare wei lada kamni bait boon kiwa chah ktah, pyn myntu hi ka sngi da yoh wa ar ka India kam ka ri wa chah ktah dooh hapoh pyrthai deiwa pyntam yaka Brazil.
Kiwa dang chait da em ki 73,642 ngut iwa man leh iwa boon dooh haka chi sngi, kiwa yap da em 1,065 ngut katwa kiwa dang em ya uni u khñiang da ku da 15,925 ngut.
Kiwa chait kiwa boon dooh em ki ha Andhra Pradesh 11941 ngut, Maharashtra 10801 ngut, Karnataka 9102 ngut, Tamil Nadu 5859 ngut, Uttar Pradesh 5141 ngut wa ha West Bengal 3248 ngut.
Ki jylla wa boon dooh kiwa ku kiwa dang em ya uni u khñiang toh ha Maharashtra 9687 ngut, Chhattisgarh 1648 ngut, Uttar Pradesh 1368 ngut wa ha Delhi 1028 ngut.
Kiwa chait waroh da em ki 77.32% iwa ku naka 77.23% kiwa em 31,80,865 ngut; kiwa dang em ya uni u khñiang da em ki 20.96% iwa hiar naka 21.04% kiwa em 8,62,320 ngut wa 1.72% kiwa yap kiwa em 70,626 ngut. Waroh da em 41,13,811 ngut kiwa da dep yoh COVID-19 ha India.
Kiwa chait da tam ki da 23,18,545 ngut ya kiwa dang em ya uni u khñiang iwa ku da 57,717 ngut nadooh ynnin ka sngi.
