U District Magistrate yong ka East Jaiñtia Hills District da pynbna Micro Containment Zone u yaka karkhana pynmih khyndaw-bilat ka Star Cement hadien wa da em 39 ngut kiwa yoh COVID-19 ha katai ka karkhana.
Kini kiwa dang yoh toh kiwa yabi na uwi uwa yoh nyngkong kiwa da pyntikna hadien wa dep Test haka 8 tarik uni u bnai.
Ya kani ka Micro Containment Zone da pynbna yow ye u leh yei booddien ya kiwa em hei maa kiwa yachem wa kiwa yoh COVID-19 kamjooh leh kiwa yachem pateiñ.
Kani ka Containment Zone u krehkaam ko nadooh wa sdang ka 9 tarik uni u bnai hadooh 6 waje i step ka 11 tarik uni u bnai.
Ka hukum da khang ko ya waroh ki Old Mines Office, CMCL School, ki thaw wa em Hospital, ki thaw sah, ki Driver Rest Room waka Labour Colony wei ym toh wow psiah lane u mih napoh kini ki thaw.
