Ka thuk thuk kawa chna ha China daka Kenbo Company ye ko wow yoo phylla wow yoo hapoh ka ri tangwa ym toh iwa phylla ha Mizoram heiwa da pynemkaam leh ya kini ki thuk thuk wow kit drugs na Myanmar.
Kini ki thuk thuk kiwa man leh wa da wanrah pyrchah yaka aiñ cha Mizoram kamjooh leh kiwa ym em Register ha Mizoram, wan ki lyngba u pood wa pai hapyrdi ka India wa Myanmar.
Kiwa boon ki jait drug nadooh i Heroin wa ki Methamphetamine, da yoh kem da ki chipai ka Assam Rifles, ki bru ka Excise and Narcotics Department kamjooh ki pulit na ki bru wa yah ya kini ki thuk thuk.
Kamtæ ka Mizoram Home Department ynnin ka sngi da khang (Banned) ko ya kini ki thuk thuk ka Kenbo (125 CC) kiwa chna ha China.
Ka Mizoram da em ko u pood wa jrong kamwa 404 Km waka Myanmar lyngba ka Champhai, Hnahthial, Lawngtlai, Siaha wa Serchhip District.
