Ynne i janmiet ki sahep na ka JHADC da lai looid biang ki ya ki that wa da thang laha kam ka dak wow khang ya ka dukan VMart kawa em ha Ladthadlaboh, Jowai.
Katkam ka yutip wa da yoh da ong wa da chah biang ya kani ka dukan wow wai biang ko nadooh mynstep ka 18 tarik.
Kam wow pynkynmooo heini ya kani ka dukan da khang kattu la kamwa ar sngi heiwa ka Council da khang ko ya kani ka dukan ha ka 15 tarik uni u bnai neidaw wa ym em yohbor namo ym em yoh NOC ko na ka Council.
Neiliang u Wyrta hadien wa yoh yutip wa tikna na ka Council da ong ki wa i daw wa chah wow wai biang ya kani ka dukan toh hadien wa da bood ko (VMart) ya ki kyndon ka Council wei da su ko leh ya ka poisa wa toh u su cha ka Council deiwa pyrkhat khia leh ya ki khynnah ki wakreh ha kani ka thaw.
