Ynne ka sngi, ka BJP-West Jaiñtia Hills District da lehkmen ko yaka Sewa Saptah kawa man ka lehkmen wa dap 70 snem u montri rangbahdoooh ka ri, u Narendra Modi.
Ha kani ka sngi ka BJP-WJH da esñiawbha ko ya ki Hand Sanitizer cha ka yung krehkaam u DMHO, West Jaiñtia Hills, ka yung krehkaam u SP ka District wa cha ka Jowai Police Station hei emlang u State General Secretary wa pait ya ks District, u Singh Mulieh; u District President u Shaphrang Lyngdoh; u District General Secretary, u Moonlight Daw wa u Lakhon Dkhar; u Vice President u Girison Lamare; u Jowai Mandal President u Kyrmen Siangshai; u BJP MDC uwa man leh u Mandal President ka Nartiang, u Dawan Lyngdoh wa kiwi kiwi.
Ha kani ka sngi ka State BJP Meghalaya da pynman ko leh ya i pynkhooid wa i thung dieñ ha Golflink Shillong, i pyllait symbe dakha ha wah Umsohlang, wa kiwi kiwi.
Neiliang u lat ka jylla, Satya Pal Malik da ekhublei kyrpang u ya u Modi deiwa ong leh wa katni ka ri dang yakhun bha ko ya ka khlam COVID-19 wa i kynaad wa ki ri wa khappood deiwa kyrmen wa ka ri hi daw man ko kawa jop.
