Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang wei yow ye u leh yeiwa emkaam yow yada nei poor uni u khñiang kam i leh yaki Test, u booddien ya kiwa yachem wa kiwa yoh ya uni u khñiang wei yow khangkset yow lait nei psiah i mih khlem da yoh bor.
Ka District Magistrate, East Khasi Hills District da pynmih hukum ko yow pynbna yei yung u Kynrem Ri Lyngdoh ha Riatsamthiah, i yung u Ashok Dutta (uwa chong wai) ha i yung ka Victoria Marbaniang, Laban Masjid Road wa i yung u V. Malakar (uwa chong wai) ha i yung ka T. Hynniewta, Riat Laban East, Madan Laban u man ki kam ki Micro Containment Area.
Ha kawi won ka hukum, hadien wa da dep wow leh ya iwa emkaam kamjooh wa da yoh yaki Report, ka District Magistrate, East Khasi Hills District da pyndam ko chisyndon yaki hukum pynman Containment Area ya kini ki yung ha wah:
I yung (Building) ka Dr. (Mrs) B. Kurbah (1st Floor), Lawsohtun Block-4 hajan CID Quarters, i yung (Flat) u B. Deb wa em ha i yung (Building) ka A.M. Rynjah ha Madan Laban (Shilliang), i yung (Apartment) ka R. Dey wa em ha i yung (Building) Dr. A. Dey, Riat Laban East, Madan Laban, i yung (Building) ka L. Wann (Second Floor) Streamlet Road, Laban, wa waroh 4 tylli ki yung (Building) wa em ha Additional Secretariat Quarters wa i yung u Nashibi Rai hadooh i yung u Dharminder Rai, Lower Maxwelton Estate.
Katwa i yung u Nausib Rai ha Lower Maxwelton Estate u pteiñ i wow man kam i Micro Containment Area.
