Ynne ka sngi kawa katkam wa kheiñ ka AccuWeather da poi i chit cha ka 28 Degrees Celsius ha Jowai kawa ye u man kawi na ki sngi wa chit dooh ha uni u snem heiwa ha Jowai da sakhi ya kiwa boon ki bru wa da hiar cha Syntu Ksiar yow lai uiñke pynngaad yow rieh naka sngi kamjooh leh wow ya yimpa um.
Tangwa iwa yoophylla won wa na kiwa wan cha kani ka thaw lait na uwi-ar ym em kiwa deiñ yaka Mask nadooh ki khynnah hadooh ki waheh, ym em leh wa bood yaka Social Distancing kamjooh kiwi ki kyndon ka Section 144 ka CrPC kawa dang krehkaam ha poh ka District.
Ka Section-144 dang khang hi ko leh wow wai yaki thaw uiñke suwari kamjooh ki thaw yimpa.
Kopsar i joor i chit ka sngi da pynmylliñ ko ya kiwa boon yaki kyndon wa hap wow bood manda mih cha ki thaw paidbah.
