U District Magistrate ka West Jaiñtia Hills District da pyntip u hadien wa da yoh yaka Report naka chnat Health & Family Welfare, West Jaiñtia Hills kamjooh wa da dep wow e sikai kammon wow im deiwa thymme ki rukom myllien namo ka Behaviour Change Management Training.
Kamtæ ynne ka 21 tarik da pynmih hukum yow pyndam noh yei man Containment Area yaka PHE Quarter, Khimmusniang, Jowai deiwa booh kyndon wow ya krehlang waki COVID-19 Management Committee ka chnong, ki bor District, ka Jowai Municipal Board kamjooh u District Surveillance Officer uwa daw booddien wa bood yaki kyndon.
Kam wow pynkynmoo wa ya kani ka thaw da pynbna kam ka Containment Area haka 14 tarik uni u bnai.
