Shillong: Ka District Magistrate, East Khasi Hills District, Shillong da pyntip ko wa katkam wa pyntip u Incident Commander, Zone-II wa u District Surveillance Officer wa da em 6 ngut kiwa chi yung wa uwa yoh COVID-19 ha Nepali Compound, Rilbong da kyntait ki wow leh yaka COVID-19 Test.
Da ong leh wa u District Surveillance Officer wa u Medical Officer In-charge ka Bishnupur UPHC da phah u ya kini kiwa hayung uwa yoh COVID-19 wow leh ki yaka Test tangwa neidaw wa kyntait ki wow leh ya ini, ym tip de lada kini ki bru yoh ki ya uni u khñiang ne ym em wei ym nood wow e laad ya kini ki bru wow lai u wan ki katwa ngiat deiwa pyrkhat yaki paidbah.
Kamtæ ka District Magistrate da sñiaw ko wa emkaam wow khangkset deiwa pynbna Containment Area ya ini i yung hadooh wa da sñiawhun u Medical Officer In-charge wa ym em chah ktah kini ki bru na uni u khñiang.
Kamtæ da pynbna nadooh ynne ka 21 tarik kam i Containment Area ya i yung u Santosh Thapa wa em ha Nepali Compound, Rilbong yow khang yei psiah i mih khlem yoh bor cha ini i thaw.
Ya kiwa leh pyrchah daw pynchitom katkam ka aiñ Disaster Management Act, 2005 wa IPC.
