Shillong: Neidaw wa em kiwa yoh COVID-19 wei wa em kiwa em hei maa wow yoh ya uni u khñiang ha i yung (Quarter) u Sengrak Ch. Momin GAD Quarter No.5 hanjan ka Sankardev Women’s Hostel, Rilbong, i Sumarlin Kharsati Compound ha Jaiaw Laitdom, ha State Bank of India RASMECC, 2nd Floor, Shillong, ki yung u Malook Singh, u Vikram Singh wa u Raj Kumar Singh wa em ha Garoline, Shillong wa ha i “Hill Vista” Building ka Merilda Suting wa em ha Upland Road, Laitumkhrah, Shillong.
Kamtæ yow ye u leh ya ki Test, i khang-kset wa kiwi kiwa emkaam neibynta i bha i miat ki paidbah yow lait nei poor uni u khñiang, ka District Magistrate, East Khasi Hills District, da pynmih hukum ko ynne ka 21 tarik uni u bnai yow pynbna ya kini ki thaw haneiñ kam ki Micro Containment Area yow khang yei psiah i mih khlem da yoh bor cha kini ki thaw.
Ha kawi won ka hukum, neidaw wa em wa yoh COVID-19 wa psiah cha ka Eee Cee Hotel & Restaurant, Police Bazar, Shillong, ka Deputy Commissioner, East Khasi Hills District da phah khang ko ya kani ka thaw hadooh wa pynmih hukum da kamwi.
Sa ha kawi won ka hukum da pyndam yei pynman Containment Area ya kini ha wah nadooh ynne ka 21 tarik:
I yung (Apartment) ka Sunita Sohtun, i yung (Building) u L. B. Rapthap wa em pyrchah ya i Benz Residency, Central Bishnupur, i yung u P. Dey, Mynsain, Upper Lumparing, ki Room No. 101 wa Room No. 202 i yung (Building) ka Dr. Sunita Shylla ha Wahdienglieng, i yung u Shambu Rawat, Upper Maxwelton Estate, Oxford Hills, Rilbong wa i yung u Subaun Kharkongor, Lumsohphoh, Upper Lumparing.
